جــي ياقلبي //بقلم الشاعر ((محمد بـــدر))

جى
يا قلبى
يوم حسابك 
جى جى 
اللى اتعمل كله
فى شبابك
اللى بعته
واللى خنته 
واللى بعد
الجرح سابك
واللى ضيعته
من عمرنا
وده لما يجى 
ما تقلشى أى
وجى جى 
يا قلبى كله جى
أيام الفرح من
القلب انتهت
بلاش دموع يا عينى
حسى بطعم الألم 
حق قلب يوم انظلم 
ولو قدرت خبى
ايه بعد حبى 
كان هيراعينى 
هعيش 
على الذكرى حبيبى
ده ان كان فى عمر
م الباقى من سنينى
انت اللى قلبى
ندمان عليك
انت قلبى
لسه فى اديك
انت اللى وحشانى عنيك 
انت اللى حبك لسه حى