اونمنينه المحبه ترجع اتعود
تعال اوشوف حالي بيه اشصار ماصار
*مثل فردة تمر تلتم عليه الدود
انا شاعر زماني والوكت دولاب
*غطاني القهر جزاهه الحدود
شوياهو الاحبه ايضيع ماالكاه
*اوصرت اني ابحياتي شبه موجود
بيبان العشك مفتوحه للناس*
بس بابي انقفل لازال مسدود
صفت روحي حزينه اتريد الافراح*
اومن كثر الحزن تطرب عود
اعتقد ضاع العشك ونسدت البيبان*
مثل قصة فلم مثلوهه الهنود
لئن حجي الصدك من يومه ضاع*
اوحسن نيه بقت ماالهه اوجود
جان الحب سفينه اوشايل اشراع *
صار الحب جذب والحجي فرهود
الف رحمه على ذيج ايام الاشواك*
حلم ترجع علينه اولجظه اتعود
ليست هناك تعليقات:
إرسال تعليق