نفسي اشوفك //بقلم الشاعر((محمد محمد الطنطاوي))

        .نفسي اشوفك

لو فات يوم من غير ما باشوفك
بحضن يتمي جوه دموعي 
وافضل اداري ف شوقي الحاير
لجل ما يهدي حنيني الفاير
جوه ضلوعي
ايوه صحيح بتحمل لكن
بيننا حدود وبحور واماكن
وامابقابلك
بشرب طعم الشوق من قلبك
ينضح لون الهوي ف ملامحك
وان مرة جرحتك بعتابي
هفتح لعيونك ابوابي
وهطبطب علي نزف جروحك
يضحك قلبي واقولك سامحي
ينطق شوق الهوي ف ملامحي
وابقي بداري وعنك اخبي 
لجل عنيكي ماتلمح نار مدفونه ف قلبي
وارسم ضحكة اتصبر بيها
ضحكة بتعزف جوه عروقي نبض حروفك
علشان قلبي الباقي عليكي
بيصون عهدك
ويقدرلك كل ظروفك