شفايتلي لو بس عالجرح //بقلم الشاعره :ريم التميمي

شفايتلي لو بس عالجرح

اضماد بي گهوة سلف

واتطيب كل جروحي...
بس وين اروحن من اون
بالليل يلجمني الحزن
وشلون اضمد نوحي..
السكته تاكل حيرتي
ومشموره عيني اعلى الدرب
ياهو اليطمن روحي..
ها بعده..
ها باجر يجي
واسأل هوه الله وارتجي
مامش خبر منه اليجي
يصحي بسمتي الغافيه
يل خذت كلشي ومن رحت
ودعت بيك العافيه
شبه الجرف وكت الصبح
عاگول متروس الگلب
والروح رمده وطافيه
منذوره كل دگة گلب
محجوزه بأسمك لل لحد
تركض لعندك حافيه
رايد اسولفلك بعد
مگلوب حضي وماكعد
بس هي كلمه وافتهم
صدگني من يوم الرحت
وياك اخذت العافيه