فين العرب
....................
فين العرب
تسمع صراخ اليتامى ..
تنعى الامهات الثكلى
وآهات الندامة ..
فين العرب تكفن طفل
لسة فى صباه ..
يسألون مين اللى قتله
وإيه اللى جناه ..
خايفين تقولوا دول
أخوانا ..أبناءنا
دول الجيل اللى
بنستناه ..
آه ..صرخة واسمعوها ..
يا أجبن جيل
في العروبة
عاصرناه ..
أبكى يا أمى ..
مش على دمى ..
لالا ..على جيل صلاح
اللى فقدناه ....
فين العرب .
بقينا خلاص سراب
يتلعب بينا من الأغراب
بقينا ضحية خداع
وجبان لينا باع
شوفوا الدمار حولينا
شوفوا الضباب
فين العرب؟؟
كل الخير منا اتنهب
وكل عمار اتخرب
نحارب مين
يابني آدمين
وباسم الدين
وفتوى من جاهلين
شفنا العجب
خربوها بجهل وظلم
وحطموا حتى الأم
وجابوا الأمريكان
ورجعوا احتلال زمان
وشفنا الخاين الغدار
شجاع يقتل أخوه
وعند العدو جبان
الأقصى أسير
يصرخ ويستجير
حتى صلاة الله
منعوها بالجنزير
وعاوزني افتخر
بالعرب ؟؟
كان زمان
لا ..انسى خلاص
عايشين الخيانة
والغدر والمهانة
فين العرب ؟؟
ليست هناك تعليقات:
إرسال تعليق