چنها لانت // بقلم الشاعر:أ. الشاعر جبار الشمري

    چنها لانت
الچانت براس الشمس
تزرع مشاتل للعناد
راسها يعلن حداد 
ما تحب غير البعاد 
لانت وزانت عشگ
ويلي عل حبت صدگ
گلبي أحسن منسحگ
تگلي غيرك ما أريد 
بدونك آني ما أفيد 
بيك كل ماضي أعيد
كل حچيها الفات مات
جاية و تحچي بحياة
تگول أشوفنك نجاة
شغيرها
الچانت تعارك وراها
ويلي عل يتبع ضواها
حاربت ياما هواها
الينشدهة بتلة
صعبة چنها مسئلة
بس أحسها معدلة
گالوا الدگ عل حديد
يذوب الگلبة جليد
من بعيد 
تحبني گامت من بعيد 
غيرها الوكت يمكن
عرفت الحسبات تدفن
الشوگ بدوي بليل يرطن
أستغربت چيتها عيد 
يبس دمي بالوريد
عل غزل گلبي جديد
وبية أحسنها شهيد 
چنها لانت  چنها لانت