# حاسب نفسك #بقلم الشاعر (($ سعيد عبد القادر السيد $ * عاميه *))

 # حاسب نفسك #

قبل ما تحاسب غيرك
حاسب قبلا نفسك
شوف غلطت في أيه
زمان ولا حد قال لك
كلنا فينا أخطاء
بس ما حد عتبك
قبل ما تحاسب غيرك
حاسب قبلا نفسك
افتكر للي تعاتبه
فعله مره حلوه
ويمكن تكون مرات
وأنت ناسيها نسوه
الدنيا دي بالذات
يا صاحبي ولا تسوى
قبل ما تحاسب غيرك
حاسب قبلا نفسك
أتقي شر من
أحسنت يا صاحبي إليه
مثل كتير بيغر
مش حقيقي يا بيه
في بعض حالات و حالات
وكتير شماعه عليه
قبل ما تحاسب غيرك
حاسب قبلا نفسك
كلنا يا صاحبي لينا ماضي
فيه جميل وفي مش عادي
لكن دايمآ أه ننسى
اللي مش عاجبنا وبنعادي
كل ما يعارضنا
ونقول عليه أعادي
قبل ما تحاسب غيرك
حاسب قبلا نفسك
يا سيدي مش ملايكه
أحنا أتخلقنا بشر
والنفس أماره قايده
تاخد الناس للخطر
والدنيا حبيبي فانيه
بتضيع منا العمر
قبل ما تحاسب غيرك
 حاسب قبلا نفسك