( أصرخ) بقلم الشاعر ((محمد الشاذلى ))

( أصرخ) 

أصرخ بعلو الصوت ونادى
 فين المسلمين

أصرخ وقول فينكم ياعرب
 دنا تالت الحرمين

انا مسرى المصطفى ومعراجه
 ومصلى النبيين

قفلوا البيبان منعوا الاذان
 حتى الصلا مانعين

بالأحذيه دايسين محرابى مدنسين
 والعرض مكشفين

ياللى انتوا للشهامه اصل
 النخوه راحت فين

أصرخ ونادى نجدتك يارب
 خذلونى المسلمين

أذعق بعلو الصوت وجلجل
 دا نصرى فرض عين

أمتى راح تتحرروا م اللى انتو فيه
 الصلب اللعين

ياللى انتوا كاتمين الشعوب حتى تناصر
 الشرف والدين

خلوا الكراسى ليكم مراسى يوم
 الحساب والدين

يا مخذولين يا مصلوبين يا عميانين
 دنا نصرى دين

ياللى انتوا شايلين الامانه
 روحوا شيلوا .......طين