خذني يمك بقلم الشاعر (( د.حسين عبدالزهرة الزبيدي الحلي))

خذني يمك
 والله موت اشتاقلك
خذني يمك وردة مزروعة بحديقة 
او من تعوز اتشم عطرهه
خذني يمك خيط ملفوف بقميصك 
حول خصرك 
او عطر مدفون بملابس 
وكت ما تحتاج تلبسهه او احس بك 
يا عمركَضيته آني بس احبك 
خذني يمك 
روح مشتاكَه الجسدهه 
وكَلب ما ينبض بعد محتاج جسمك
ويا شرايين اليرفضن عيشه بجسد محبوب غيرك
والمن اريدن آني بعدك 
يا كلمة بشفايف عاشكَ ايخاف اعلى حبه من يسولف 
خَذني يمَّك