لمه زاد //بقلم الشاعر :محمد بدر

لمه زاد
بينا السكات
والليل يطول
وانتظرت
اسمع له كلمه
ياعمرى قول 
وياريته قالها
انتظرت
وب الساعات
الدنيا مالها
كل حياتى 
خاب أمالها
ليه ماحسش
ليه ماردش
كل ده عمر
وماحبش
قلبى زغرط
ب الأهات
وعينى تبكى
وليه العياط
اللى بحبه
قلبه مــات قلبه مــات
اللى بحبه
وياه لأقتنى
فى دنيا ضايعه
و كلمه منه ضيعتنى
وانا جمب منه 
العمر كله عدى و فات
لمه زاد بينا
السكـــــات
شهور سنين
شعور مهين
بكيت
أنا و قلبى
الحزين 
والسنين 
ضاعت السنين 
انا عايزه اقوله
كرهته كله
كرهرت زوله
واقول لميــــن
قلبى جواه
لساه حنين
لساه انين
والذكريات
أنا عايشه عمرى 
ع الذكريات 
دمع وأهات 
اخرص يا قلبى
بتحكى لمين
دول كلهم
من قسوة الدنيا
مجروحين 
وكل يوم 
فى ألف جرح 
وبسمع أنين 
ليه كل حب
فى القلب عايش
عايش حزين
ليه كل حب
فى القلب مات 
ومن سكات
ومن سنين