انتظـــار
وين وعدك من قلت ارجع الك..
منتظر صار سنين ...
مااعرف كيف اوصلك..
مدري بعدت مدري رجعت..
طمني بغيابك وين..
رحت عند غيري..
لو رجعت..
البيت اهلك...
عودتني بالحنان ...
وتسأل بيوم عنك أغيب ..
وماتنام الليل لوما اسألك ..
علمتني من الصبح اصحى عليك..
وعلمتني بمرسال منك كل وقت ..
لأن حبك عظيم ومن قلت اني الك..
يعني سكنت روحي والقلب ..
بس الوحدك..
العيد لو رايد يمر مايمر اله وياك..
ومن غبت عني ورحت ..
مارايد يجيني لأن ماارهم بلياك..
بعيدة الروح عن روحك ..
والقلب محترق بناري وناراك..
انتظر ترجع الي وتعود ..
وترجع ضحكتك بشفاك..
ومن اصحى اني الصبح ..
أتخيلك عندي ..
وانسى ايام المضن العذبني بفركاك..
احبك وما احب غيرك ..
يالعلمتني أهواك ..
ادعيلك بكل وقت ..
يالوصيتني بدعاك..
ماريد السعادة الي ..
خليها بس وياك..
انتي حبيبي الكنت ..
ولليوم ماانساك..
تبقى انت طول العمر ..
محفور اسمك بالقلب ..
واسمي البقى بحشاك..
ادري انت ماناسيني ..
وروحي تعلمت قرباك..
ماريد من الله طلب .
بس السعادة الك..
وتحقيق كل امناك..
23/8/2017
ليست هناك تعليقات:
إرسال تعليق