مخنوقه
من كل شيء حواليا
حتى دموع عنية
مخنوقه
من ناس بمليون وش
تلاقيهم ادامك ملايكة
ومن وراك تغش
مخنوقه
من ناس ضميرها مات
لكلمة الحق يعلنو السكات
ليه القلوب اتحجرت
ايه باقي فالعمر غير اوقات
مخنوقه
ان بلدي مليانه
ناس فقيرة غلبانه
من قله الحيلة
بيقولو اه يانا
ولا حد بيهم حاسس
لفين التوهه وخدانا
مخنوقه
من ابن بيحجر على ابوه
وبنت بتهمل امها
راحت الرحمه من قلوبهم
نسيو مين اللي كبرهم
مخنوقه
من اخ يسجن اخوه
علشان ميراث وفلوس
راحت ورخصت النفوس
مبقاش في وفاء واخلاص
انعدم خلاص الاحساس
مخنوقه
من مسئول يبيع ضميره
من طبيب بيتاجر
بمرض البشر
خلاص الظلم انتشر
مخنوقه
من سجن مظلوم
والظالم عايش في براح
جوايا الم مكتوم
ماللي بشوفه
مش عارفه ارتاح
مخنوقه
من كل شيء حواليا
ليست هناك تعليقات:
إرسال تعليق