انا ماشي.. غنائية..بقلم الشاعروليد العايدى

انا ماشي.. غنائية..

وأنا ماشي في طريق طويل 
مابين النهار والليل.. 
شفت صبية يتغنى فيها مواويل 
عيونها عيون غزلان.. قوامها قوام فتان.. 
جمالها سبق الزمن بزمان.. 
معذور أصلي من بنى البشر والإنسان 
وكلي حنيه وحنان.. 
وقفت أوام وإتمسمرت فى الحال 
وسألتها ها ها ها سؤال.... 
يا مهرة قوليلي مهرك كام
يكفيكي ألفين فدان ألف مانجا وألف برتقال 
كلامي جد مش كلام بيتقال... 
موش كلام ولعب عيال 
أصلها مهرة عربية وأنا الفارس والخيال 
فارس عصرك وزمانك معايا ها تتحقق أحلامك
لا شفت بوصفك وجمال جمالك يسعد كل ايامك
قوليلي إنتي منين وكنتي كنتي فين.. 
قبل ما شوفك كنت عايش حزين 
وياما بكيت بدمع العين قلبي كان من المساكين 
مهرة عربية تتائل بالذهب والمال 
أصيلة وبنت بنت حلال
لو فيه نصيب بينا ها نخلف دستة عيال