قالوا عن عيونها قصص //بقلم الشاعر((.عادل عباس علي ))

قالوا عن عيونها قصص
والشعرا كتبوا قصايد
وعن حبنا غنوا مواويل
 ماليه حكايتنا كل الجرايد

لا تقولي بهيه وياسين
ولاكمان عنتر وعبله
حكايتنا يضربوا بيها المثل
 ودار بيها المنادي بالطبله

حب عاش سنين فقلبي
من يوم ما عيني شافتها
بقت كل حاجه ليا
 وقلبي بقا مكانها وبيتها

حبيبتي مش بس روحي
دي قمر بينور ليلي
دوا بيداوي جروحي
 نوري ف الضلمه ودليلي