المصري يتحدى المستحيل //بقلم الشاعر//يسري مطاوع

المصري يتحدى المستحيل 

******************** 
إذا قال المصري بيوم هبني
بنى وشق بالمستحيل طريق
وعدى دروب اليأس وشيد
وجعل من المية ألف حريق 
دانا جدي بنى الاهرام شوفها
من الوهم يا عدوي روح وفوق
محال أستكين أو أذل الراس
قال جدي أنا للمجد يابني صديق
صرخ وقال هبني السد نعم وبناه 
والقنال قال هنزعها منهم بأمر الله
ولو زالت جبال الكون أبدا ما أزول 
أنا المصري أفهم بالمحال تلقاه
من سنة بس والله وعدنا وقال
هحفر تاني جنب القنال قنال
ما خلف يوم وعده ولا قال محال 
ونادى بالرجال بإدينا هنبنيها 
ولا نذل أو نستدين وفينا ابطال 
عمل اكتتاب شعبي والشعب لباه
من مصروفه حتى الفقير أعطاه
وقال أنا المصري عارف يعني إيه
يعني إنسى ريسنا ابن الوطن نعصاه
عدت سنة والدنيا نسيت هناك عمال
حفر المصري قناته وصال فيها وجال
وهز إيده ودعا الكون يحضر الأفعال
وقف ونادى يا مصر اليوم سعدك
لا تنسي إن ابنك رمز العزة والنضال 
يا عروسة زينتك بإيدي وعرسك لاح
وببيت كل مصري أقيمت لك الأفراح
وسفينة رايحة وسفينة كمان جاية 
و غنى الولد بصوته الشجي الصداح
يا مصر جيشك شايلك على الأكتاف
وريس إذا قال كلمة أبدا ما بيخاف
إذا قال يا مصري لبى الندى شعبه
عاشق ترابك ويعيش لو عيش حاف
خلينا على الضفة دي ودي صامدين 
ويا الزمن بالمجد تاني متواعدين 
يا مصر افرحي وفرحك على الزمان 
وتاني هنصنع من الأمجاد ملايين 
خلاص الخمول راح وانتهى وفقنا
أبدا متلقانا يازمن عن الوطن قاعدين