فين عدلك ؟بقلم الشاعر //السيدابوطاحون

فين عدلك ؟! ***  
*********
دراويش فى حبك
فوق حدود المستحيل بالنية 
احنا الندي
فوق خدود الورد ف الفجرية 
وفي انتظارسيدنا النبي 
يزورنا ف النومة الهنية 
وينزل لنا
ساعة السحر رب البرية 
ولما نرفع أيدينا للسما ..
ينزل مطر 
وأما نتوه ف الصحرا ..
يقابلنا العسل 
وانتي اللي ساكنه
ف قلبنا مهما حصل 
مع أننا ممكن
يزورنا الموت ..
قبل ما ندوق العسل ! ! 
 *********

يا حلوه فين حكمتك
 وليه يتوه .. عدلك

شغلانه ب محبتك
ديسانه في سكتك
دايما رماد ازمتك
مهما تبان نعمتك
فرشانا فى جزمتك
و مدلعه  عجلك ! !

يا حلوه فين حكمتك 
وليه يتوه.. عدلك 
*********