مش مستاهلة للشاعر / احمد الشناوي

مش مستاهلة
___________
مش مستاهلة الكبر يا بيه
راح تتكبر طب علي ايه
دا الطاووس بالريش مغرور
اما البومة مغرورة ليه
*******************
مش مستاهلة تدوس ع الناس
كل الخلق وليها احساس
وبكره الموت يحصدنا جميعا
اصل الموت علي العالم كاس
*******************
عايش يومك طب على فكرة
خليك ناصح بص لبكرة
بكرة تزول وهيفضل منك
اللي عملته هو الذكرى
******************
اصحى يا صاحبي قبل الساعة
دي الأهوال في اشد فظاعة
مش هينوبك الا الطيب
وانك تعمل كل الطاعة
*****************