( مهما تكابر) بقلم الشاعر...محمد الشاذلى

( مهما تكابر). ١٨/٩/٢٠١٧
بقلم الشاعر...محمد الشاذلى
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
قلبك ... انا حاسه

نبض الهوى شغال
والحب ... بتحسه
عمال على .. بطال
صابحين ويتمسوا
ايديك مناها وصال
قلبك .... انا حاسه
نبض الهوى شغال
حاسس انا بوجدك
والسهد اللى ماليك
وانت لازم وحدك
تقوللى ده .. بعنيك
مانا خفت من صدك
لما بحت بسرى ليك
رديت بأن .... هوايا
عمره ما جه ع البال
قلبك .... انا حاسه
نبض الهوى شغال
طب ليه ...... وبتكابر
وعنيك فاضحه الشجون
مانا بردوا يا .... شاطر
بفهم لغة ..... العيون
ح تدووور وف الاخر
انا اللى ليك ف الكون
ف تعالى دنا قلبى
بالحب ليك .... ميال
قلبك انا .... حاسه
بنبض الهوى شغال
الشاعر / محمد الشاذلى