عشت فى زمن... بقلم الشاعر...محمد بدر

عشت فى زمن
بقلم الشاعر...محمد بدر
..............................
غير الزمن
فيه كل شئ
الا الحقيقه
و الحقيقه غاليه التمن
عشت فى زمن
وكأنه غربه
فيه السكن
فى الشكل طربه
والناس بتكره بعضها
شالو الضمير من قلبها
فى ناس بتلوث ارضها
والناس مسئوله كلها
ولا فيها مسئول
فيوم بيدفع تمن
مين فى الشمال
ومين فى اليمين
والناس تدور ع الأمين
هو انت مين
ولاانت حتى تأتمن
عشت فى زمن
مافهوش وفاء مليان دماء
عشت فى زمن
محشى برياء
ملياء وباء
ولا قولت نفسى ولا انا
حبيت أميره
وحبى ليها
مالانى غيره
لاشربت خمرا
ولا حتى بيره
وحبى معاها اندفن
عشت فى زمن
فى كل حى قسوه
الفن فيه انتهى
والناس بتكره بعضها
الهم بات
و كل يوم فى حضنها
بعدت بعيد عن ربها
وده من زمان
بقوله لها
الناس بتسمع أى حاجه
وأى يكلمه يقولها الخواجه
أصله مصدق عندها
عشت فى زمن
سهل فيه انك تموت
فى كل حته هتلاقى حوت
انا أتولدت
فى زمن السكوت والبنكنوت
وكام هتدفع لو خدت صوت
فكر تموت هتلاقى
روحك من غير تمن
عشت فى زمن
هتعيش حمار وتموت حمار
ومالكش دعوه بأى جار
وف قلب بيتك مافيش هزار
وقول لمراتك تلبس خمار
اسعار ونار
والناس بتسرق ضرب نار
واظن عيشة الزل عار
ولا ليك قرار كلت الفشار
وده مش هزار
روح يابابا لاتتعجن
بقلمى محمد بدر