🐝 جنون الغيره 🐝بقلم الشاعر...رضا حسب النبي
......................
مع إنك طيبه وحنونه
بخاف من غيرتك المجنونه
طب ليه كدا يابنت الناس
هو قلبك ميزان حساس
حبى ليكى هو الأساس
وكفايه هلوسة وسواس
وبقولك فوتى و هدى
خلى سنين العمر تعدى
سقيانى فى العيشه المر
والسنين بارده مش بتمر
كان معاكى العسل حلو
بغيرتك بقى طعمو مر
مش عاوزانى أبص شمال
ولاحتى كمان أبص يمين
طب دا ياناس فى شرع مين
دا إنتى أكيد بقى مجنونه
مع إنك طيبه وحنونه
كل يوم عملالى حكايه
بتغيرى من صورتك فى المرايا
بتهددينى تموتى نفسك
إذا كان هوا اللى فى نفسك
يبقى إنتى أكيد مجنونه
مع إنك طيبه وحنونه
🍒 رضا حسب النبى 🍒8/10/2017
ليست هناك تعليقات:
إرسال تعليق