قصيدة ( هبعد عنك )بقلم الشاعر... عاطف عمر

قصيدة ( هبعد عنك )
الشاعر عاطف عمر
..........................
** هبعد عنك.
بس الوقت دا.مش وقت بعاد.هبعد عنك.
** بعد ما كنت قريب منك . بحلم بلقاءك .
** بعد ما كنت العطر .اللى اتنفسه فى هواك .
** ياااااه ع النور اللى بشوفه .فى لمعة عيونك.
** كنت بشوفك أجمل شئ.
أجمل شئ ف الدنيا وجودك.
** ياااما ارتحت كتير وانا جنبك.وعهدتك على طول راح أحبك.
** وحلفت انى أكون والله ظل لشمسك .

** عارف انك بتحبينىِ وبتموتىِ فيه.
** يمكن لأجل انك عربيه .
** أو شاميه.
** أو عراقيه .
** بس أكيد ان انت عاداتك مش بداويه .
** الخرزه الزرقا على صدرك
حلوه شويه.
** بتعطى لوجهك دمويه .
** والوشم الاخضر بجبينك. تحت الذقن وعلى الكفين بيأثرو فيه .
** أنت جميله.بقدرة قادر..من غير مكياچ ولا عمليه.
** هبعد عنك .بس أكيد الروح مش راح عنك تبعد .
** مهما يكون ..لو راح اموت .هفضل أحبك ..لو موجود او مش موجود.
** مين هيصدق . ان الحب دا. فـ يومين مولود .
** وان وجوده فى اليوم التالت راح هيموت ..راح ينتهى ولا لهوش وجود
** كدب في كدب...انا قلبي مش ممكن ينكر حب لحد ..بيحبه لكن فى حدود.
** والصوره المطبوعه فى قلبي .
مش راح أشيلها.وأملى فى يوم انك هتعود.
** مهما الطير يبعد ويثور .لازم يچى اليوم ويعود.