********
للشاعر / أحمد إبراهيم
*********
ارتاح يا أبويه ف تربتك
واوعاك تقوم
ده الليل غيوم
والفجر واقف والقمر
مخنوق جريح ناشفه الغصون
من كام سنه والأرض بور
خليك وساكن برزخك
صعبة الحياه
والدروب فيها الغروب
ساكن قلوب متجرحين
والله يا أبويه الحياة
مالهاش جذور
والله صعبه دي السنين
ارتاح يا أبويه ف تربتك
خليك مغمض العنين
صرخة قمر وسط الغيوم
والليل بيكي بدمعته
ع الأمان ع السلام
راح الأمان راح السلام
مابقاش خلاص غير الألم
في عيون طفوله مشردين
وام تبكي ع الرضيع
اللي اتقتل بأيدين
وحوش مالهاش قلوب
حتي السحاب ساجن مطر والشمس ناسيه الشروق ملعووووووون يا ليل كاسي السواد بين جبهتين
والفجر واقف من سكات
واقف وخايف م الظهور
واقف حزين
كان نفسي يابه ف يوم
أكون انسان أكون
عايش في كون ماليان وفاء
بس الظلام كاسي العيون
والأرض بور
والجبانات فيها السكات
عايش علي أبواب قبور
خليك ياابويه في برزخك
وواعاك تقوم اوعاك تقوم
*************
بقلم الشاعر / أحمد إبراهيم
ليست هناك تعليقات:
إرسال تعليق