★★★ بعد إيه ★★★ بقلم ...عنتر ضيف

★★★ بعد إيه ★★★
بقلم ...عنتر ضيف
........................
بعد إيه جاى بتسأل بعد إيه
إنت ناسى إنت عامل فيا إيه

إنت قلبك جار عليا حتى قلبى قسيت عليه
ياقاسى ليه ضيعت عمرى رد قول ضيعته ليه
ياقاسى ليه هجرت قلبى رد قول كان ذنبى إيه
وراجع تقولى أسامحك : قولى أسامحك بعد إيه
بعد إيه جاى بتسأل بعد إيه
بعد الألام بعد الجراح .. بعد الخصام بعد اللى راح
بعد قلبى مافاض وصاح ياقاسى جاى تقول سماح
فكرك أنسى كل الجراح وفى لحظه أقول كلمه سماح
بعد إيه جاى بتسأل بعد إيه
بعد ماعدى الليل وفات : فات وفاتلى كتير أهات
بعد الجروح بعد الأهات بعد حبى ليك مامات
تقدر تصنع معجزات وفى لحظه ترجع اللى فات
وتداوى قلب ماليه أهات وتحيى حب كان : ومات
بعد إيه : بعد حبى ليك مامات وكل شئ بقى ذكريات
بعد إيه ................ بعد إيه ................. بعد إيه
★ عنتر ضيف - بطينه - المحله الكبرى - غربيه★