رسالة...
بقلم الشاعر / بسام سويدان
رسالة ولا تسألني مافيها
ﻷنك أجمل معانيها
تدري يامعذب الروح ومشقيها
إنك الدنيا وما فيها
وإنك أول وردة أزرعها وأسقيها
وإلا عيني اللي جفني يداريها
ياشمعة بحياتي جعل ربي مايطفيها
يا أجمل قصة لروحي أحكيها
الدنيا حبيبي أنت اللي محليها
ولولا قلبك يابعد قلبي . روحي من يسليها
أكره الدنيا بدونك وأرتضيها
لي جاني طيفك صفحات البعد يطويها
وأحس إني مالي شغل فيها
إيه أحبك وإلا ما سمعتيها
كلمة منقوصة معانيها
ماوصفت لروحي اللي تبيها
أبي كلمة تهز المجرة معانيها
لأجل أوصف حبي للي شاريها
حتى حروف اللغات تفتقر ليها
وعلماء اللغات ودواهيهها
تعجز عن الكلمة لما تحكيها
ياحاضر أيامي وماضيها
الإنتظار حرق الروح وهيج أمانيها
ويش دوا لمفارق غير الأحضان الدافية يرتمي فيها
آآه يالدنيا الغريبة كيف يادنيا ألتقي فيها
وأنا مات عندي الصبر وأشواقي وين اوديها
بقلمي / بسام سويدان
ليست هناك تعليقات:
إرسال تعليق