حلم اعزاز... بقلم الشاعر...حسن البابلي

حلم اعزاز...
بقلم الشاعر...حسن البابلي
......................
تحلمت بيكم عذاب
يالمالكيت اترابكم...
افتر وادور عالقبر ..
محتام اريد اخباركم..
دورت مامن نشد..
مامن يوديني الداركم...
ابجي ويتيم بلا اهل
ماارجع اله الكاكم..
تردوني ابقى بغير اهل..
وبغير الحنان الكان
من احضانكم...
اصيح وماتسمعوني
مدري تسمعون وتعرفون
السبب ادري سبب بعادكم..
اريد اليوم اشكي..
واريد اليوم اخلص دموعي
بجي..
تحملت مصايب
من بعدكم وكلها بسبب
فركاكم...
ادري ياربي اليتيم
ماكو حل عندك غير
العذاب و فراق ولوعة
الدنيا وهموم عذابهم..
اعزاز عندي واعز من
كل الي بعدهم صار
ومابقت عندي ذكر
حرموني من ريحة
ثيابهم...
حرمتوني ..
عذبتوني..
بهجركم..
بالنجف وبوسط صحراء
ادفانكم...
اوووف يايمه..
ابوية شلونه من بعدي
احسدج لان مافركتي
الجان يسألني
شلونه ليلكم
وشلونه نهاركم..
اتمنى يابوية اجي
وندفن يم محرابكم..
ماريدن الدنيا ابد..
ولوخيروني.. اختار
احضانكم..
ابجي وادور
عالقبر بس
للأسف
محد جابني
البابكم ...

حسن البابلي 13/12/2017