( تعا ) بقلم الشاعرة...سهى زهرالدين

( تعا )
بقلم الشاعرة...سهى زهرالدين
.......................
مرت سنين العمر 
عشرين وردة خطفها الدهر
لبست النجمات طرحة العروس
زغردت البسمات للفجر يطل
هونيك
خلف مدن الضباب
رنة خلخال ..خواتم وأفكار
حملها حلم
كان أسمو راجح
أخذ من فيروز جنتها
ومن الموسيقى رنتها
قال للدني أنا ساكن هون
عاحفاف الروح جافاني النوم
تعا تغلغل ببساتين أوهامي
خود من فكري أحلامي
بوس صبيع الدني
ومن رموشي مسكن رباني
تعا
عبي من عطري تبر التكوين
تغلغل بصدري واسمع النهدات
ما أنت هون ساكن هالكون
مر الربيع وألف ربيع
وعاكتاف الزهر غفيت الحساسين
صوتك طل من خلف الضباب
ليقول ناطرك لتعبي الوراق
تكتب حب عشق وغرام
راح العمر
وسكرت الفراشات
وما بقي من دموع النهر
غير النهدات
أنا كلي ألك يا ساكن الحروف
خوذ من حبر أقلامي
الغيم الساكن عالدروب
ازرعني ببستانك
شتلة حبق
كل ما طلت ريح تشم حناني
وكل ما غفي الليل تتذكر أيامي
تعا
وحياتك من قلبي لا تروح

سهى زهرالدين