صدفه كانت... بقلم الشاعر...حسن عبد الحسين

صدفه كانت
بقلم الشاعر...حسن عبد الحسين
....................صدفه كانت
والتقينا بنص طريق
عيوني تحاكي اعيونه
انه اعرفك ياغريب
انته شنو اسمك
وليش اعرفك
عيونه تجاوب
ونفس أسئلتي أسئلته
منو انته...... ليش روحي
رايده تحضن ضحكتك
وليش احسك مني شكد قريب
جاوب لاتحيرني
مااعوفك...... كول يله جاوب
لاتعوف لسانك يغيب
لحظات مرت كانت بطول السنين
جاوبت باهلاً ياحبيب
انه ذاك الكان روحك
انه الكنت لجروحك طبيب
انه الداريت زرعك
بروحي سنين
من أفرع وصار زاهي
عفتني لأول غريب
تناست ايامك وجودي
ماكو ذكرى بروحك لشخصي
كل ذكراك عندي
ولا حرف منهن نسيت
بس ردت اعرفك
ناسي احضاني وضحكتي
ناسي اشواقي ولهفتي
وتحركت خطواتي عنه
ونطقت حروفي وداع
ياحبيبي
اليبيع مره...... مايسوه نشوفه حبيب

حسن عبد الحسين