مره... بقلم الشاعر... نهاد الكرخي

مره
بقلم الشاعر... نهاد الكرخي
...................
مره ابيدي قلم الجاف
فرحان او داحاول رسمك
خططت الابعاد الاولى
وخليت الشامه العله حنجك
ورسمت عيونك ورموشك
حطيت الحمره العله شفتك
جريت خطوط من شفافك
توصل للرصعه العله خدك
فرحان او اخذتني اللهفه
رسام اني اليوم بوصفك
وجت نار الشوك البيه
وانت الما تدري ولا يمك
خليت شفافي اعله الصوره
ملهوف او محتاج الشمك
بردت شفتي .حتى الصوره
متكلي اشكد بارد دمك

بقلمي نهاد الكرخي