إعتراف**//بقلم ::أحمد السيد

إعتراف**
////////
لمابسمع رنه منك أو رسالة
بتختارينى أنا عشان تشيلينى
كل همك ..عارفه ساعتها 
ببقى نفسى بس أضمك 
أطمنك وبإيدى لو أقدر 
أخد بقلبى كل حزنك 
مش حقيقى إنى جرحتك
ولا غلط إنى بحبى.. صارحتك
كل يوم كان نفسى أصارحك
مش أزود جواكى جرحك
بتقوليلى دايمآ الوقت 
فات واللى باقى من 
عمرى شويه فتات 
الكل دايمآ بيجى لعندك
دايمآ محتاجلك ..بس 
عمره ما دور عليكى أو
حس أو سألك إنتى محتاجه
إية.. انا عارف إنك وحيده
والشيله فوق كتافك ..
تقيله.....شديدة
خلينى أشيلها معاكى
لو مرة واحدة إدينى 
فرصة.....
خلى الدمعه اللى بعيونك
بس تنزل ..بقالها سنين
دمعه خارسة...ياريت
تدينى فرصه ..عارفه
أقولك سر ..أوقات بقول
بقول لنفسى هوليه إختارتها
وإشمعنا هى دى بالذات ....
صدقينى لو قولتلك إحساسى
بيكى غير أى وقت فات
إحساسى بيكى بيحي جوايا
كتير حاجات...
كنت فاكر إنى نسيتها 
إحساس جميل كان نفسى 
أعيشه ..معاكى عشته
حظى م اللى فات خلاص 
أخدته ..خلينى أعيش 
معاكى اللى جاي ..

#بقلمى /أحمد السيد