ليه حزين ياقلبى//بقلم // محمد بدر

ليه حزين ياقلبى
ماتقولى مالك
مالك مالك 
كلمه وزمان
أنا قلتهالك
أنسى اللى عشته
كله بخيالك
أنسى أمالك
مش كل صوره
لبنت حلوه تحبها
مش كل واحده
فيوم تشوفك
هتديك قلبها 
حاسس كأنى
مستنى حاجه
ومش أى حاجه
وشايف بعقلى
شكل السعاده
وماعرفش
لو جت شكلها
حاسس كأنى
مستنى فرح
مستنى جرح
هتشوفه الدنيا كلها
همشى معاك
ياقلبى فسكة هواك
ولا يوم هخبى 
ولو جت ياقلبى
هتقولى أيه أنا أقولها 
ماعرفش طعم الحب 
ولا عمرى دقته 
ماعرفش شكل الحب
ولا عمرى شفته 
ماعرفش هيكون ايه شكلها 
بلاش يا ياقلبى تقولها 
وأوعا تقول بتحبها 
دى صورة حبيبتى
اللى فى خيالك
عندى بالدتيا كلها 
بلاش ياقلبى 
تسألنى مالك
أنسى اللى عشته 
لحظه بخيالك
مش كل صوره
لبنت حلوه تحبها
بقلمى محمد بدر