(جواكي انا )..بقلم الشاعر//عمو عبده

(جواكي انا )
جواكي انا عايش
وبراكي انا مدفون
وعن قلبي انا حايش
شعور الخوف ومهما يكون
لاعمري ف ييوم هأكون غاشش
حواسي من تجاه حسك
ولا ناكر بان عشقي ليكي جنون
لان عيشتي جواكي
وبراكي باكون مدفون
انا منك وانا بيكي
وانا الهايم وانا المجنون
شعوري وفكري يناديكي
يقولك فوتي وانا ليكي 
هاكون مركب واكون بحار
ويرسي بيكي
علي شط هوي مأمون
ومعاليكي
تكوني اميره وسفيره
وعلي راسي
هتبقي تاج
ومش محتاج
لشيئ تاني
مادمتي لسه عشقاني
وانا العاشق قتيل حبك
وانا الميمون
وكل منايا القاكي
طريق مرسوم وكملته
تكوني حلم وحلمته
واكون النجم ف سماكي
يهون العمر وياكي 
وجواكي 
اناعايش
وبراكي
انا مدفون
حياتي وعمري لفداكي
وكله يهون
فياريتك تحسي
طريقي وياكي
واكون ممنون
لان عيشتي جواكي
وبراكي هاكون مدفون
وانا اللي بيكي ومعاكي
انا العاشق تراب ارضك
وانا الحالف اصون عرضك
ولا لحظه هافكر اخون
لانك جوه اشلائي
ماعدش عندي
شيئ باقي
خلاف حبك بكل جنون
ترابك دائي ودوائي
لاني عشت جواكي
وبراكي هاكون مدفون
 عاشق ترابك يابلد