( يابا ) 25/4/2018
بقلم...الشاعر محمد الشاذلي
*****************************************
*****************************************
انكسر ضهري اما ..قالوا
ان ابويا خلاص ما راجع
الحيطان عليا..... مالوا
وابتدت فيا ....المواجع
هو كان ..... بالنسبه ليا
ضهر يحمي من الظروف
واما كان .... يقسى عليا
كان بيبقى عليا ... خوف
كان الجلد وقت اما تحبك
كان المدد علشان نعيش
كان الامان....
من الزمان ...
وقت اما كان ...
يضيق العيش ...
وكنت بتدلع ...... براحتي
عارف بان ورايا ..... ضهر
و اما غاب راحت بشاشتي
ساعتها دقت ايه يعني قهر
والله ..... لو رجعلي وقتي
لاخلي روحي لراحته ..مهر
الف مليون رحمه يابا
ياللي ما توفيك مدامع
ياللي ماعرفتش لقيمتك
غيراما قالوا خلاص ماراجع
**********************************************
أبنك
المصري العربي الحر
الشاعر محمد الشاذلي
المصري العربي الحر
الشاعر محمد الشاذلي
ليست هناك تعليقات:
إرسال تعليق