ألو،،
بقلم...شاكر الشرقاوي مع ابو رؤى الدوسري
.................
ألو،،طلع أسمك بالمصيبة
إتعينت أول يتيم بهلوظيفة
إِبلا وساطة ولا سعر
إتعينت أول يتيم بهلوظيفة
إِبلا وساطة ولا سعر
اعتذر جدا وآسف
- عالبخت لوجان كاسف -
وداعت الساده اليواسف -
ردت مرّه أنتحر
- عالبخت لوجان كاسف -
وداعت الساده اليواسف -
ردت مرّه أنتحر
گلت اتقدم بروحي ،،،
خفت ماتنقبل روحي،،،
أشكثر خزنت أجروحي
وبعد ما ظلي صبر
خفت ماتنقبل روحي،،،
أشكثر خزنت أجروحي
وبعد ما ظلي صبر
بينت بالكلب خله -
وخضرت بالروح عله -
لو ندب حظي شكَله ؟؟؟
يريدلي كومة سحر
وخضرت بالروح عله -
لو ندب حظي شكَله ؟؟؟
يريدلي كومة سحر
الوادم النصبت جوادر
عالزلم الترست مگابر
كلهه حصلت عالوظيفة
وتلطم الحد الفجر
عالزلم الترست مگابر
كلهه حصلت عالوظيفة
وتلطم الحد الفجر
حشم الحظ وعمامه -
واصبر ليوم القيام -
الافضل تحضر اعمامه -
حتى حظك ينتصر
واصبر ليوم القيام -
الافضل تحضر اعمامه -
حتى حظك ينتصر
ناس ماتعرف شغلها
وناس محتارها إبأمرها
وناس ابتكتب شعرها
والوكت صاير عسر
وناس محتارها إبأمرها
وناس ابتكتب شعرها
والوكت صاير عسر
صير وي حزب الاراده -
تعيش دنياك بسعاده -
المهم كثَّر العباده -
حت عجينك يختمر
تعيش دنياك بسعاده -
المهم كثَّر العباده -
حت عجينك يختمر
أعمامه مليانه أثم
وبالقتل هم تبتسم
سيّد وبس بالأسم
وبوجه مرسوم الغدر
وبالقتل هم تبتسم
سيّد وبس بالأسم
وبوجه مرسوم الغدر
اذاً ذب حملك على الله -
لاتظل هالظله ظله -
السيد اعله الحال خلّه -
جدر بس خالي الجدر
لاتظل هالظله ظله -
السيد اعله الحال خلّه -
جدر بس خالي الجدر
شگد شفت هتليه آنه
يختلف عن الإجانه
وأحنه صرنه بخبر كانه
البرلماني شگد قذر
يختلف عن الإجانه
وأحنه صرنه بخبر كانه
البرلماني شگد قذر
قذر بس محد يردعه -
جايني يوميه بدعه -
بسبع حصوات انه اودعه -
المهم عني يجر
جايني يوميه بدعه -
بسبع حصوات انه اودعه -
المهم عني يجر
باگو الدوله شلع
واليجي يبلع بلع
أرنب وصاير سبع
والفگر يبقى فگر
واليجي يبلع بلع
أرنب وصاير سبع
والفگر يبقى فگر
الشريف العنده غيره
صار ما يعرف مصيره
حيرة والله والله حيره
مايفيد أبداً عذر
صار ما يعرف مصيره
حيرة والله والله حيره
مايفيد أبداً عذر
شاكر الشرقاوي مع ابو رؤى الدوسري
ليست هناك تعليقات:
إرسال تعليق