الشاعر المصري / احمد ابراهيم النجار
----------------------------------------
يكتب
-------
قصيدة / ( الصرخة الممنوعه )
.......................
انا اللى كفرت بكتابك معدشي كتاب
وعدتيني بفجر
يعود وانا عايش في ليل كداب
وشارب منك الحنضل ولا بقدر
ومتسلسل وقافلة الباب
ويصرخ قلبي م الأحزان
مابتحسيش واعيش درويش
على وعدك وشاب الراس
وصرحك مال مالهوشي أساس
ولا ظله بتحميني في حر الصيف
وجرحاني بحد السيف
ورمياني في وسط مزاد
وليل غايم وانا وانا
وانا اللى رخيص
ماليش اثمان ولا عنوان
وجسدي ضعيف
على دربك انا المرفوض
واعيش في غابة مليانه فهود واسود
واصرخ ليكي مترديش
واعيش خايف من الأهوال
سنين وسنين واتا شايب
ومحني الرأس على الأبواب
وانا الفالي في كل تاريخ
سطور مكتوبة مين راح أكون
كرهت ليلك الملعون كرهت عيون
بتكدب كدبة وراه كدبة وانا اللي بعيش
حكاية وهمك المكتوب
على حائط جدار مهدوم
واه يا غيوم ومليانه سماكي دموع
واه يا شموع وخلصانه
وعطشانة سواقيه خضار ممنوع
وينقص قمحك الأصفر ويبدأ جوع
واه يا خضوع هنا مزروع
على شط الألم قلبي بيصرخ بالدموع موجوع
-----------------------------------------------
بقلم الشاعر المصري / احمد ابراهيم النجار
ليست هناك تعليقات:
إرسال تعليق