# عيدية المسحراتي •• 15/6/2018 بقلم الشاعر* محمد الأشقر

# عيدية المسحراتي •• 15/6/2018

بقلم الشاعر* محمد الأشقر

...............
جيت ياعيد
ومين قلك ياعيد حدانا عيد
ومين غشك وقال الحزن يبقى سعيد
وفرحة من زمن ماتت
قتلها الغدر .. برصاص الخيانة أكيد

وسرورنا جه عليه الدور
لما راح يسأل على الأيتام
ويقولهم عملت ايه فيكم الأيام
لقيناااه سايح فدمه ياولدااااه

والبسمة تاهت عن شفايفنا
تعاااال شوفنا
خاوينا الحزن وبقينا كمان عشرة
صاحبنا الهم وعنا الضحكة مختصرة

وفكل بيت الأنين تلقاه
ياعيان.. ياجعان.. يامهاجر وفطريقه تاااه
يامظلوم.. يامحروم.. يادنيته ناسياااااااه
يا أم شهيد على فراقه ..بتبكي وتقول ااه
يا مسكين ومحتار بين العدو والجار
يا ساكن جوا جلدو ومداااري
والعيشة مراااار فمرااار
ياطفشااان .. بلاد الله لخلق الله وقال أعماار
يامسجون جوا خوفه ورعبه واخدو بالأحضان
ونا مقيدة حروفي .. ودموعها مسجونة بلا سجان

جيت ياعيد
مين قلك حدانا حد سعيد
مين قلك رجعنا تاني للأوطان
مين قلك بقينا اسياد ومابننهان
مين قلك لبسنا جديد من الدكان
مين قلك عيشتنا بقت أمان فأمان
يمكن لما صلينا وشفتنا واقفين
الكتف في الكتف وكنا متحدين
بنكبر بصوت واحد وكلنا مجتمعين

ياريت ياعيد نرجع ل لمتنا
نهني وتبقى كل البيوت بيتنا
دا يسلم ودا يسلم
وصورة الأقصى علم فإيدينا بتتكلم
منقوش عليها قلب اخضر
ودم شهيدنا اللي لونو أحمر
وننسى الماضي بسواده
يعيش الوطن فينا بولاده..بأحفاده
وبمحرابه كلنا واقفين
بنهتف •• رجعتي يافلسطين

* محمد الأشقر*