نداء من الفلاح المصري قصيدة عامية بعنوان ((فين الإنسان ..)) بقلم الشاعر...يسري مطاوع

نداء من الفلاح المصري قصيدة عامية بعنوان ((فين الإنسان ..))

بقلم الشاعر...يسري مطاوع
****************
فين نلتقى إنسان إنسان
وكله أصبح في خبر كان
رجع الطاغوت وتحكم

تاني بجبروته بكل مكان
راحت القيم منه والفصيلة
والجشع أصبح فينا إدمان
ببكي عليك يا زمان الذل
وعلى كل مكسورغلبان
عايش بدنيا أصبحت غابة
وببحر كل اللي فيه حيتان
والظلم خلاص عم الكون
والعدل مات من زمان
ببكي عليك يا إنسان
اللي باع الوطن ودمر
كل شي حلو بالأوطان
غابة وعايشين فيها نشكي
تايهين لا أمن ولا إيمان
لا يا شمس ليه تشرقي
وتنوري ليه زمان خوان
كل اللي فيه بقي ظالم
والباقي عن حقه جبان
رضيو بالذل وكمان حيوه
ورضيوا بالمهانة والحرمان
هنفضل نشتكي ولمين
والكل صار فقير وعدمان
همه بس لقمة عيش ياكلها
ويبات بعدها مع الفيران
همه يعيش بس مستور
وهمه يبات بلا أحزان
الجوع قهرهم والعوز ظالم
بكاهم والدمع بات بالأجفان
جامد مفيش كمان دموع
طال الزمان ولبسنا أكفان
وعيني من البكى ورمت
بنشحت ابتسامة وكف حنان
ولسة الظالم بإبده يحرمنا
حتى من الهوا كمان وكمان
يارب كيف العمل ضعفنا
وبنخاف العورة منا تبان
لا زاد ولا مية هتروينا
والكل بات بلا ماء عطشان
لهيب الشمس كوى جلودنا
والجلبية دابت بقت خيطان
فين الإنسان . يسري مطاوع.