راحو يصيفوا *** بقلم الشاعر... السيدابوطاحون

راحو يصيفوا *** 
بقلم الشاعر... السيدابوطاحون 
*********
ياللى راحوا يصيفوا
ياللى طلعوا ع المحيطات و البحار 
واحنا سابحين فى الرطوبة 
و شمس نار
---------
طمنونا يا جماعة
هو كان البحر أبيض ولا أحمر ..
ولا اسود ولا ميت ..
ولا بيفكر صحيح ف الانتحار ؟!
زي أولاد الكنانة
اللي راكبين الفلوكة
للفرار !
----------
طمنونا يا جماعة
ع البنات الساحرات
والمايوهات والبضاعة
هو لسه البحر أزرق ؟
ولا مليان بالمياعة والسواد ..
ولا خد لون الزبالة والندالة ..
والخيانة والفساد ؟!
----------
طمنونا يا جماعة
هي لسه الموجة عالية ولا مايلة ..
ولا خايفة ولاخايبه
ولا خاينه ولا ايه ؟!
*********
#راحو_يصيفوا
#السيدابوطاحون
#الاخنوم