العرافه// بقلم ::رضا حسب النبى

العرافه

أبين زين وأضرب الودع إرمى بياضك يادى الجدع
وأنا أوشوشلك الودع
خدى بسرعة ياست وإقريلى إييه المكتوب
بقالى سنين كتيرة بدور عل المحبوب
ياترى غايب فين دا هوا نور العين
.....
شيفاه عايم فى بحر الهوا وحاير مابين شطين
وكمان ماشى فى صحرا وواقف فوق جبلين
وعندة من الأخوات يمكن ياواحد أو إتنين
ولو طلع فوق فى السما يبقا القمر قمرين
......
طب قوليلى أقابله إزاي
.......
إرمى بياضك ياجدع
قدامك طريق طويل وجايز يكونو طريقين
الأول مليان شوك والتانى فية أسدين
......
طب قوليلى أقابله إزاي
.......
ذود بياضك ياجدع وأعرفك هوا فين
خدى بسرعة ياست
شيفاه محبوس في سجن الهوا تعبان ومش لاقى الدواء
وشيفاه ياناس فى الفضاء يخسارة عمرة اللى إنقضى
......
قوليلى أقابلة إزاي إرمى بياضك ياجدع
خدى بسرعة ياست
......
شيفاه قاعد قدامى وطيفه ديما على بالى
وهوا منور أيامى ومعايا تملى فى أحلامى
قوليلى أقابله إزاي إرمى بياضك ياجدع
مبقاش معايا فلوس بس خلاص فلست يادى الجدع
دا كله يابنى نصب وياريت متصدقهوش

✏رضا حسب النبى