أدورك من أضيعك مثل الأعمى وتآه
أتگمگش أظل وبيدي عصاتي
وين ألگالي جامع حتى أشوفك بيه
يل كلك صور مالي حياتي
وك آنة أحبك چن طفل دفنوه
أول ما إچة موش بمشتهاتي
يل تارسني كلي من الراس للچاز
أهضمك وأمضغك وأنتة بلهاتي
تدري بأليميزك عن غيرك من الناس
بالنسبة إلي روحي وغلاتي
عيونك والشفايف والخصر والرصعات
مو ملكك إلك ذني ملاتي
يل تسمع صنتي وتفهم الصفنات
يلمواسيني بأسوء حالاتي
آنة الوفة طبعي والصدگ لي دار
وبحبك أصير أعرفت ذاتي
ٱذا گتلك هواك أتنفسة ريات
يعني أنتة عضاي ومن صفاتي
وإذا أشكلوا حبك فرق شاسع بيه
مجبورة الجواري علة الطغاتي .
......جبار الشمري ......
ليست هناك تعليقات:
إرسال تعليق