صافن واباوع حالي ا بقلم::أحمد العراقي

صافن واباوع حالي
تمثال جني صرت
ويوميه يتغير بيه شيء
اليوم تجاعيدي كثرت
والشعر اتغير بيه لون 
وخيوط بلون الكطن بيه كثرن
واكف جن عندي الزمن
ومااحسب ولا عدن
البارحه بالسبعه العصر
وي الربع
براس الفرع دعبل نلعب
شبسرعه كبرنه الوكت
والعمر يركض ركض ماجلب
الدنيه بدولاب الوكت فرتنه
ماشفنه شيء من العمر
غفل بغفل
للشيب سحبتنه
وصرنه مثل موت النخل
بنص ربعه يموت بسكته
وسفه على هذا الوكت
بس الالم والحسره
شكد صعبه
لو مرن سنينك غفل
وماتحس بيهن لحظه

احمد العراقي