بقلم الشاعر // أحمد العراقي

تعدنه وعبرن اسنين المعسرات
وصارن سوالف مثل الشاة والذيب
المات ابالك لٱ ماتحب طرواه
والعزيز اشما طالت ايامه حبيب
الموقف ينذكر للعدو قبل الصديق
واه شكد هضيمه لو خانك صحيب
سيوف اللسن باشطه تحز الجبال
وبيد صويحبي الذبح مو بيد الغريب
ياحيف التعب للطلع مو خوش
ونصبر ارواحنه ونكله تجاريب
نقطع من لحمنه ونغذيهم مكيفين
مايصبح حمامه البأصل ذيب
غربلهم الف مره بطيبك يخدعوك
غشيم بنظرهم المشهور بالطيب
مد احبال روحك والصدر سوه شراع
ولاتحسبهم انداد اهل العذاريب

احمد العراقي