يا أمة العرب // بقلم يسري مطاوع

يا أمة العرب
**************************
عجيب الزمن كيف العرب أحرار؟
وكل طيف فيهم تحت الاستعمار
على إيه نحكي ونمجد بزمان خاين
الحر مات والعايش سجين الاسوار
راح اللي راح من عزنا يا ياخي
بإيه نفرح وبعيوني كل شئ دمار
شوفوا حلب شوفوا اللي راح فيها
كل شي اتنهب باللي عاملين ثوار
وحمص ودمش وكل شبر انخرب
والدم فيها شوفوا صار أنهار وبحار
واللا اليمن لسة بينزف من الجروح
أصل العرب وفيها كانوا وصار
والعراق ثغر العرب كيف خراب
كل لحظة انفجار ودماء كالأنهار
ولسة بنبكي عللا اللي راح وننوح
والغرب ساكن يمرح بلا أسوار
ليه ببلادنا صرنا اغراب نتوسل
ليه ننحكم بلا رحمة بالحديد والنار
بنده عليك يا أخي قوم بص علية
بعد ما كنا أمة فرقونا العدا أمصار
هي دي العروبة؟ وهم دول العرب ؟
من الظلم تقول رجعوا للزمان كفار
كفاية خلاص من الدماء والموت
والفرقة اللي بينا. نفسنا يعود مختار
ويعود ناصر الشرق يجمع شملنا
ونعلم باقي العرب كيف نكون ثوار
نحمي الحمى وإيدنا دايما بسلاحنا
نحمي الأرض والعرض من العار
إياك تنسى اللي قتل أبوك ولك غادر
وتنسى اللي حرق القدس بالإصرار
اقرا التاريخ واعرف عدوك مين
وراجع اللي انزرع فينا من الأفكار
سيفك في إيدك أياك في يوم ترميه
ما بينذكر إلا البطل ..حامى الزمار
إياك تعيش جبان على قفاك تنضرب
وابن العدا فيك يتحكم وتبات محتار
قرارك بإيدك وأوطانك بدمك احميها
ساعتها تعيش وتموت بطل مغوار
وتبقى العروبة رمز دايما بيه نتباهي
وتبقى العرب طول الزمان أحرار
............بقلمي // يسري مطاوع