متيجي...بقلم..الشاعرالقدير/سليم محمد.
(الصورة)
متيجي ......احكيلي ـــ وافضفضلك
واعضعضلك حرف الوجع ــ بأناة
واقلك امتي ذاد فضلك
وامتى الصورة اتهزت
بفعل ــــــ عبيط
ونفك طلسم التفاصيل
ونفهم حكمة التأويل
لقضي الأمر
ومعني الهيت ـــ لك
واكدلك
علي المعني ال ضل وتاه
وحكم الظلم فى عدلك
ودا فارقك ودا عاد لك
ودا عابك وده شادلك
ومين بادك ومين ـــ باااد لگ
وانشدلك
ترانيم البراء والاثم
وأبين لك ــــ ال اسباب
فى قد القميص دبراً
وسيدها لدي ـــــ الباب
بدون ـــــــ اسهاب
أمتي رميتك جل ت
وأمتي الفكرة اتخلت
وأمتي العقدة اتحلت
وأمتي الذكرى اتعرت
ودفنوها بدون اكفان
وقالو فيها البقاء ـــــ لله
علي المشكوك فأمره أدناه
على الموثوق فى امره اعلاه
على الصبر منا مشتاق
لقول مش زور وروح مش بور
وبقعة ـــ نور
تنور عتمة لفاني أنا الفانى
بفعل المادة ــــ ورد الفعل
ال موجود جوه وجود
ليه انبعاث ــــ تاني
وسيقانى ......
التوهه كما المسحور گ ما المأسور
في سكة اتجاه واحد بدون اسماء
واغالب نفسي واتكيف واتاافه ووو اتهييف
واقول لجل انها تمشي
وما اتهمشي ـــــ حتي انه يدان
فيدرك حلمي النقصان
ويضيع مقصودي فى قصدي
ويغيب مرصودى فى رصدي
فـ احصن نفسي بالصومان عن ال ( س )
واقول دا ـــــ وِجاااء
وباء فى الروح بيتفشي ويتمشى
جوه الاوردة والنبض
يشيع الفوضي والغليان
والإدمان للتبرير والرددد
فتحسبه جد
فـ تطاوع روحك العاصيه
وتلعن ظروفك القاسية
ووتضييع ملامح الصورة
وتهتز بشكل مخيف
فـ ترضي وترتضي بـ الحيف
وتبتدي خدعة المعلول ــــ والعلة
وتلم الكل فى ــــ سلة
الـ شئ لزوم الشئ
ويبتدى ـــــــ ال تزييف
بقلمي /سليم محمد
********************
(رئيسةالتحرير).ياسمينةالكاشف/تحياتي.
ليست هناك تعليقات:
إرسال تعليق