مجلة الكاتبــــــــــــه منه حسين الالكترونيه

تعال...بقلم..الشاعرالقدير/الباشق الباشق.

تعال..👋
بفركتك جويه ..!
تصوفر كل خضاري وتشده المملوح 
يل كلك لهيب 🔥
ونار تاكل نار 
واني امسودن وكل داخلي مفضوح 
تريد تروح. ؟؟؟
الله وياك ذمه 
محاللك شلاب 
من يحصد اغلاله 
وعطر شلبه يفوح 
الله واياك 
شجره ..🏡
وفاركتها..اطيور 🕊
والشجره أعلى فيها الناس كلها اتروح 
مامحتاج دمعه 😰
مامحتاج ضمه 
بس محتاج كلمه 
كبل لنته..اتروح 

شم  اتراب جدمك 
لو عنيت..ادروب 
تلكه الاثر..أني 
بكل سمار الروح 

وتلكه اشواك عندي 
بكد غطيط..الماي 
لو راد ايتلاكه 
وعزه...السابوح 
ياملج الموت..خذني 
بلكت اني ..وياه 
نتوسد بصوت كبورنه 
المبحوح 

خلصت راح ابشرك 
والخلاص اشكال 
بيهن موت يسبح 
بيهن..الناطوح 

ب قلمي✒✒✒
********************
(رئيسةالتحرير).ياسمينةالكاشف/تحياتي.

•