مجلة الكاتبــــــــــــه منه حسين الالكترونيه

تأملات..بقلم..الشاعرالقدير/فارس بلا جواد.


تأملات
*******
آه لو الموبايلات بتتكلم

وعن اللي جري حكت

راح نسمع ضحكات تلالي في السما

ونشوف دموع حد الغرق

راح نسمع عن كلام ياما انكتب

وشعر ومواويل وقصص حب

كان البطل في الحكايه القدر

راح نسمع عن قلب عاش الحب

وقلب اتخان وانكسر

راح نسمع عن ضحكات من القلب طالعه

وظغططه مشاعر في اللقا من جوانا هاله

راح نسمع عن ناس فارقونا

بعد ما وهبنالهم شعورنا واحساسنا

ونسمع عن اللي لثقتنا باعونا

وكأنهم في يوم ما شافونا

راح نسمع عن هزار ورخامه 

وكلام مجانين لهفه وشوق

وحاجات تانيه مجنونه

راح نسمع عن كام لايك انعمل

وهو في الأصل اتعبنا وجرحنا

راح نسمع  كام مره عن ناس بحثتنا

ودورنا وفتشنا

ومن بعيد نراقب شهور ما زهقنا

كانت تكمل فرحتنا لما نشوف ..نشط الآن..

راح نسمع عن خذلان 

وناس بعد  ما سكنو القلب فارقونا

****************************
وراح نسمع عن ناس رغم البعد ورغم المسافه

ضلوا في قلوبنا

ناس جواهم الطيبه عنوان

ياااااه اد ايه حنونه

ناس لذاتك حبوك ..احترموك

من غير حتي ما يعرفوك

غير اسم مستعار وصوره صغيره
 في ايقونه

اه لو الموبايلات بتتكلم

وعن اللي جري حكت

#فارس
************************
(رئيسةالتحرير).ياسمينةالكاشف/تحياتي.