مجلة الكاتبــــــــــــه منه حسين الالكترونيه

سنواصل حتى نصل...بقلم الشاعرالقدير/مرقص إقلاديوس.

سنواصل حتى نصل
بقلم..مرقص إقلاديوس..
.................
هأفضل أكتب و أكتب،
مش هاتعب و لا أزهق من الكتابة.
و انقش
كل الورق الأبيض سطور.

هأفضل أكتب و أكتب،
لغاية
ما اخلى كل الحزن فرح
و اخلى كل الضلمة نور.

هأفضل أكتب و أكتب،
لغاية
ما يببطل البشر غدر
و تححن القلوب
و تصصفى الصدور.

هأفضل أكتب و أكتب،
لغاية
ما النايمين يفوقوا
و اخلى كل 
خواف مغلوب يثور.

هأولع كل الشموع...
و اففتح كل العيون..
و اوزع 
على الماشيين 
فى الشوارع زهور.

هاصرخ 
فى كل البشر
و إن ما سمعوش صراخى...
هاصاحب الغزلان
و اناجى النسور.

هادور 
حوالين الأرض
و أشجع كل الناس
و احاول كمان
مع سكان البحور.

هافضل أكتب و أكتب،
و إن ما قضاش العمر
كلمتى
هتككمل الدور.
       ملاح بحور الحكمة
      مرقص إقلاديوس
****************************************
(رئيسةالتحرير).ياسمينةالكاشف/تحياتي.