مجلة الكاتبــــــــــــه منه حسين الالكترونيه

البنت اللي في عز وجعها...بقلم..
الشاعرالقدير/عادل أبوزيد.


البنت اللي ف عز وجعها
 شيء رجّعها
والواد اللي ف عز عذابه
 احساس جابه
أشواق بتخبّط على بابها
رغم عذابها
أحلام بتراود ف خياله
يشوف أحبابه
علشان يتعاتبوا على فلوكه
على شط النيل
حلو عتابهم زي النسمه 
على خد نخيل
بتهز قلوبهم والموجة 
 بدلعها تميل
# :احكيلي شويه يا واحشاني
قولي من تاني
ازاي وانا غايب عن عينك
بتعدّي الليل؟
وتخبّي ازاي دمعة تخونك
من غير مناديل؟
واحكيلي عن الليل وآلامه
وغُنا المواويل 
# : طاب وانت يا زارع افراحي
ف وسط جراحي
ازاي بيجيلك قلب تسيبني
أدوق الويل؟
وأزاي أنا باتصالح فورا
و ارجع يا جميل؟
# : طب وانتي يا ملكة أحلامي 
ونور أيامي 
مش عارفه أن انتي اللي مصبّره
قلبي على الويل
مش عارفه أن انتي اللي مخلّيه
العمر جميل
# :من غيرك عمري مالوش لزمة
أطلع من أزمة على أزمة  
خد عمري وخليك يا هوايا 
سهران تتكلم ويّايا 
ساعتين  بالليل
 عادل أبوزيد
***************************************
(رئيسةالتحرير).ياسمينةالكاشف/تحياتي.