مجلة الكاتبــــــــــــه منه حسين الالكترونيه

لسة فاكر...بقلم...الشاعرالقدير/عبده النجار.


(أنا لسه فاكر)
انا لسه فاكر
قعدتنا في الفصل الكبير
بين تخته مع صبوره
وبشاوره والطباشير
ومذاكره فوق طبليه
والضي لمبة جاز
وحصيره متنيه
وقفص جريد هزاز
وعشانا طعميه
والعيش بايد خباز
وقلة ميه محليه
جوه صينيه ازاز
لساكي فاكره
ايام الزمن الجميل
والاكي ناكره
إني ظلك والخليل
فاكره الدراسه ف ابتدائي
لما كنت ليكي بلسم
وانتي دائي
كنتي الطبيبه لقلبي
لما يكون عليل
ياخسارة الزمن الجميل
انا لسه فاكر
قعدتنا جوه الفصل
وكان ساعتها
عريض طويل
هو ده الزمن الجميل
الزي كانت مريله
وشنطه من نفس القماش
وخياطه من غير سرفله
والعيشه حتي كانت بلاش
انا لسه فاكر وقفتك
في حصة الالعاب
وكنتي سايبه شنطتك
في الفصل جنب الباب
كنت ساعتها باحس
إنك مستحيل
خايف بأنك تجرحي
قلبي الضئيل
انا لسه فاكر
لما كنتي بتلعبي ويا البنات
جوايا عايشه الذكريات
خايف عليكي من العيون
ومن الكلام حتي السكات
كنتي في سكوتك باسمعك
وبصوت آهات
اوعاكي تفتكري
بأني في يوم راح اودعك
وانا قلبي لسه بيوجعك
عمري ما كنت في يوم
فصيح او فهلوي
كل الحكايه إني صريح
وباغير اوي
مش قصدي إنك تئلمي
انا بس قصدي افهمك
عيشي حياتك واحلمي
وانسي اللي ممكن يئلمك
كوني كما كل البنات
عيشي الدقايق والساعات
بس ياريتك تفهمي
إنك في روحي وبارسمك
اجمل معاني الحب
كان والذكريات
انا لسه عاشقك واعشقك
حتي الممات
(عبده النجار)
*******************************************
(رئيسةالتحرير).ياسمينةالكاشف/تحياتي.