مجلة الكاتبــــــــــــه منه حسين الالكترونيه

درب البيت...بقلم..الشاعرالقدير/
سليم عيسى.


درب البيت 

لَما ع كتفك شال الهوى تعَمشَق

وصار شَعرِك من المنديل يِتسَرَّق

وماجِت مع النهدات 

مع صوتِك النغمات

شِفاف السحر من القَهر شو تشَوق

شو العُطر المشغول مع الأنفاس

مسك الخدود بيقهر الزنبق

ريحان عابق سكران بنشوة الآس

شو حلو ورايق شو بيلبق

بتتلفت النسمات مع غمزة اللمسات

ويصير الكلام من لدغة حنان يترقرق

وبتركض ع خصرك إيد تغمر الآهات 

من عجقتو بيستحي ويصير يتشردق 

وإن إخضرت وراق لفتة على الطريق

وإن صار لون خدود السما أزرق

بتصير الخطوات من الغرب تشريق

وبتصير الدروب من الأحلام تتفرق 

يا رفيقتي يا ما العمر خرطشلنا ألوان 

وصاغ الجمال ع بيتنا نور يتشقشق

تتضحك جنابو  من بسمتك نشوان

ويعرش على الشباك نيسان

ويعود ع حضن الدفا مرتاح ومزوزق......

         سليم عيسى...

نرتاح حين نكتب عن الذكرى والأجمل عندما نكتبه زجلا او بالأحرى بالشعر القروي او العامي
***************************************
(رئيسةالتحرير).ياسمينةالكاشف/تحياتي.