مجلة الكاتبــــــــــــه منه حسين الالكترونيه

جربت مرة...بقلم..الشاعرالقدير/أ.جبارالشمري.

جربت مرة لوحدك 
محد تندهة يساعدك 
توكع تسحبك عثرة 
تنتفض بس ما تنسمع
ادموم تنزف مو دمع
ياونة أهل البصرة 
بنفسك تحس المنذبح
وية الموت تعقد صلح 
والثمن طبرة بنحرة 
مخنوك من كثر الحجي              
وعيوني مشتهية البجي
كل ساعة اذبن حسرة 
تعبان من هذا الوضع 
لو ناكة جا خلصت رضع               
وين الكة فرحة زهرة 
ياربي غيرك ماكو إلي                                      
بجاه كل جاه وولي
تبعدها عني العبرة                                      
التفكير ياكلني أكل 
ابيتي بس كاعد نزل
امنين اجتني الغبرة                                   
عمري انتهة لمن بدة    
محد لحكلة يمددة
كلبي خلص مو صبرة
ابوجهي آثار وتحف 
اليجهبني يندل النجف
واكف علة آخر شعرة
نكضان جن سركي عتك
اباب شيخ وما لحك                     
كل ظنة يبني حضرة   
هو الورد شكلة ورد 
لو راح عطرة ما يرد 
تعرفة الورد من عطرة
مو كلشي يتخيط ترة 
بالروح جرحي وما درة 
المحروم فتكة شكبرة .

أ.الشاعر جبار الشمري
*********************************
(رئيسةالتحرير).ياسمينةالكاشف/تحياتي.